Energetika infratuzilmasini rivojlantirish bo‘yicha kompleks muhandislik, loyihalashtirish, tadqiqot va konsalting xizmatlarini taqdim etamiz. Faoliyatimiz elektr uzatish tarmoqlari, podstansiyalar, texnik-iqtisodiy asoslash, muhandislik qidiruvlari, ekologik baholash va loyihalarni boshqarish yo‘nalishlarini qamrab oladi.
Elektr tarmoqlarini o‘zaro ulash jarayonlari bo‘yicha kompleks muhandislik tadqiqotlari, yuklama oqimlarini hisoblash va tahlil qilish, tarmoq kodeksi talablariga muvofiqlikni baholash hamda energiya tizimining statik va dinamik barqarorligini tahlil qilish ishlari.
Texnik ekspertiza, texnik-iqtisodiy asoslash hujjatlarini ishlab chiqish (milliy vakolatli organlar va xalqaro moliyaviy institutlar talablariga muvofiq), bazaviy loyiha tadqiqotlarini amalga oshirish, texnologiyalarni tanlash va asosiy texnik parametrlarni belgilash. Elektr uzatish havo va kabel liniyalari trassalarini tanlash, zarur ruxsatnomalarni olish, ish hajmlari vedomosti va xarajatlar smetasini tayyorlash, shuningdek tender hujjatlarini ishlab chiqish hamda takliflarni texnik baholash xizmatlari.
Loyihalarning atrof-muhit va ijtimoiy sohaga ta’sirini baholash bo‘yicha kompleks tadqiqotlarni amalga oshirish, mahalliy ekologik talablar va xalqaro standartlarga muvofiq ekologik hamda ijtimoiy ta’sirlarni aniqlash, tahlil qilish va kamaytirish choralarini ishlab chiqish xizmatlari.
Gruntlar va tog‘ jinslarining fizik-mexanik xususiyatlarini aniqlash bo‘yicha laboratoriya sinovlari, geotexnik tadqiqotlar, gruntlarning mustahkamligi va deformatsion ko‘rsatkichlarini baholash, shuningdek gruntlar va tog‘ jinslarining kimyoviy tarkibini tahlil qilish xizmatlari.
Loyihalarni amalga oshirish hududlarida kompleks muhandislik-qidiruv ishlarini bajarish, jumladan topografik suratga olish, geotexnik tadqiqotlar hamda gidrometeorologik kuzatuv va tahlillarni amalga oshirish xizmatlari. Ushbu tadqiqotlar loyiha yechimlarini ishlab chiqish va qurilish ishlarini rejalashtirish uchun zarur ma’lumotlarni taqdim etadi.
500 kV gacha bo‘lgan tashqi va ichki, kuchlanishni oshiruvchi hamda pasaytiruvchi podstansiyalarni loyihalashtirish xizmatlari. Loyihalash ishlari birlamchi va ikkilamchi tizimlarni, jumladan kuch transformatorlari, kommutatsiya apparatlari, o‘chirgichlar, reaktorlar, rele himoyasi va avtomatika tizimlari, SCADA, telekommunikatsiya va elektr energiyasini hisobga olish tizimlarini qamrab oladi. Shuningdek, bosh reja, arxitektura va konstruktiv yechimlar, yerga ulash, chaqmoqdan himoya, yoritish, yong‘in o‘chirish, HVAC va yong‘in signalizatsiyasi tizimlari, qurilish chizmalari hamda batafsil ish hajmlari vedomostlarini tayyorlash ishlari amalga oshiriladi.
500 kV gacha bo‘lgan havo va kabel elektr uzatish liniyalarini loyihalashtirish xizmatlari. Ishlar zamonaviy raqamli dasturiy vositalar yordamida elektr va mexanik hisob-kitoblarni bajarish, yuklamalar va texnik parametrlarni aniqlash, tayanchlar, o‘tkazgichlar, kabellar, izolyatorlar, armatura va poydevorlarni tanlashni o‘z ichiga oladi. Shuningdek, tayanchlar va poydevorlar konstruksiyalarini hisoblash, yerga ulash va chaqmoqdan himoya tizimlarini, kabel himoya tizimlarini loyihalashtirish, tayanchlar, poydevorlar, kabel transheyalari va boshqa inshootlarning batafsil ishchi loyihalarini ishlab chiqish hamda ish hajmlari vedomostlarini tayyorlash amalga oshiriladi.
Mahalliy manfaatdor tomonlarni, jumladan davlat organlari, infratuzilma operatorlari va boshqa tashkilotlarni aniqlash hamda ular bilan samarali hamkorlikni yo‘lga qo‘yish xizmatlari. Texnik yechimlarni kelishish, ruxsatnomalar olish, mahalliy normativ talablarni loyiha yechimlariga integratsiya qilish, loyiha hujjatlarini davlat organlarida ko‘rib chiqish va tasdiqlash uchun tayyorlashda ko‘maklashish, shuningdek davlat va tartibga soluvchi tashkilotlar bilan o‘zaro hamkorlikni muvofiqlashtirish ishlari amalga oshiriladi.
Xorijiy loyihalarning dastlabki ma’lumotlari, texnik yechimlari va normativ-huquqiy bazasini tahlil qilish, ularni amaldagi milliy standartlar va texnik me’yorlar bilan taqqoslash xizmatlari. Elektr va mexanik tizimlar, qurilish konstruksiyalari hamda xavfsizlik tizimlari bo‘yicha muhandislik hisob-kitoblarini qayta hisoblash va tekshirish, loyiha yechimlarining milliy talablarga muvofiqligini baholash, aniqlangan nomuvofiqliklarni bartaraf etish bo‘yicha tavsiyalar ishlab chiqish hamda loyiha hujjatlarini davlat ekspertizasi uchun tayyorlash va ekspertiza jarayonida texnik qo‘llab-quvvatlash xizmatlari.
Loyihalarni amalga oshirish jarayonida texnik masalalarni hal etish bo‘yicha muhandislik qo‘llab-quvvatlash xizmatlari. Loyiha hujjatlari, jumladan chizmalar, spetsifikatsiyalar va hisob-kitoblarning tekshirilishi, amaldagi normativ hujjatlar va standartlarga muvofiqligini baholash, yetkazib berilayotgan materiallar va uskunalarning loyiha talablariga hamda sifat standartlariga mosligini nazorat qilish ishlari amalga oshiriladi. Shuningdek, loyiha o‘zgarishlari bo‘yicha takliflarni tahlil qilish, texnik xulosalar tayyorlash va zarur o‘zgartirishlarni loyiha hujjatlariga kiritish xizmatlari ko‘rsatiladi.
Loyihalarni rejalashtirish va boshqarish, loyiha amalga oshirish strategiyasini ishlab chiqish, muddatlar va budjet ijrosini nazorat qilish bo‘yicha kompleks muhandislik xizmatlari. Qurilish jarayonlarini monitoring qilish, sifat menejmentini tashkil etish, loyiha tavakkalchiliklarini boshqarish, texnik va normativ talablarning bajarilishini nazorat qilish hamda loyiha o‘zgarishlarini boshqarish va muvofiqlashtirish xizmatlarini o‘z ichiga oladi.
UZEE Axborot texnologiyalari bo‘limi tomonidan ishlab chiqilgan
Biz ijtimoiy tarmoqlarda
